Isaias 1:16-18

Magandang Balita Biblia

¹⁶Linisin ninyo ang inyong sarili at magbalik-loob sa akin;
    sa aking harapan, kasamaan ninyo'y inyong tigilan.
¹⁷Pag-aralan ninyong gumawa ng makatuwiran;
    pairalin ang katarungan;
    tulungan ang naaapi;
ipagtanggol ninyo ang mga ulila,
    at tulungan ang mga biyuda.

¹⁸“Halikayo at tayo'y magpaliwanagan,” sabi ni Yahweh.
Gaano man kapula ang inyong mga kasalanan,
kayo'y aking papuputiin, tulad ng yelo o bulak.